ചപ്പാത്തിയെ വെല്ലാൻ കുബ്ബൂസ്, ഗോതമ്പ് പൊടി ഉണ്ടെങ്കിൽ വീട്ടിൽ തയ്യാറാക്കാം

പ്രവാസികൾക്ക് ഏറെ സുപരിചിതമായ ഒന്നാണ് കുബ്ബൂസ്. മൈദയും, ഉപ്പും, യീസ്റ്റുമാണ് കുബ്ബൂസിൻ്റെ മാവ് തയ്യാറാക്കാൻ ആവശ്യമായ ചേരുവകൾ. അതായത് ചപ്പാത്തി ഉണ്ടാക്കാനുള്ള മാവിലേയ്ക്ക് കുറച്ച് യീസ്റ്റ് ചേർക്കുന്നു എന്ന വ്യത്യാസം മാത്രം. അറേബ്യൻ ബ്രെഡ് എന്ന് അറിയപ്പെടുന്ന ഈ കുബ്ബൂസ് വീട്ടിൽ തന്നെ തയ്യാറാക്കാവുന്നതേയുള്ളൂ. അതും കടയിൽ കിട്ടുന്നതിലും സോഫ്റ്റാക്കിയെടുക്കാം. ഈ റെസിപ്പി പരീക്ഷിച്ചോളൂ. വിനി ബിനു തൻ്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• ഗോതമ്പ് പൊടി - 3 കപ്പ്‌
• വെള്ളം - 1/2 കപ്പ്‌ 
• പഞ്ചസാര - 1 ടേബിൾ സ്പൂൺ 
• യീസ്റ്റ് - 1/2 ടേബിൾ സ്പൂൺ 
• ഉപ്പ് - 3/4 ടീ സ്പൂൺ 
• വെള്ളം - ആവശ്യത്തിന് 
• എണ്ണ - 1 ടേബിൾ സ്പൂൺ 

തയ്യാറാക്കുന്ന വിധം

• ഇളം ചൂടുവെള്ളത്തിൽ പഞ്ചസാരയും യീസ്റ്റും ചേർത്തു മാറ്റി വയ്ക്കാം.
• യീസ്റ്റ് പുളിച്ചു വന്നതിനു ശേഷം ഗോതമ്പ് പൊടിയിലേയ്ക്കു ചേർക്കാം.
• ആവശ്യത്തിന് ഉപ്പും വെള്ളവും ചേർത്തു മാവ് തയ്യാറാക്കാം.
• ചപ്പാത്തി മാവിനേക്കാളും സേഫ്റ്റായി അത് കുഴച്ചു വയ്ക്കാം.
• അതിലേയ്ക്ക് എണ്ണ കൂടി ചേർത്തു വീണ്ടും മയത്തിൽ കുഴയ്ക്കുക.
• കുറച്ചു എണ്ണ കൂടി പുരട്ടി രണ്ടു മണിക്കൂർ നേരം മാറ്റി വെയ്ക്കാം. ഇതിൽ നിന്നും കുറച്ച് മാവ് എടുത്ത് ചെറിയ ഉരുളകളാക്കാം.
• ചപ്പാത്തിയേക്കാൾ കട്ടിയിൽ ഉരുളകൾ പരത്താം.
• ഒരു പാൻ അടുപ്പിൽ വച്ച് പരത്തിയ മാവ് ചുട്ടെടുക്കാം. കുബ്ബൂസ് തയ്യാറായിരിക്കുന്നു. 

Read More

• കൊതിതീരുവോളം കഴിച്ചോളൂ കിടിലൻ പാലട പായസം: Palada Payasam Recipe
• തിരക്കാണോ? എങ്കിൽ ഒരു സിംപിൾ ചിക്കൻ കറി തയ്യാറാക്കാം
• റോൾ മുതൽ കേക്ക് വരെ; ബ്രെഡ് മാത്രം മതി ഈ വിഭവങ്ങൾ തയ്യാറാക്കാൻ
• കട്ലറ്റും ജ്യൂസും മാത്രമല്ല, ബീറ്റ്റൂട്ട് താരമായ കറികളും സ്നാക്കും ഇവയാണ്
• അരിയും ഉഴുന്നും വേണ്ട, ദോശ ഇൻസ്റ്റൻ്റായി ചുട്ടെടുക്കാൻ വഴിയുണ്ട്: Kerala Style Besan Carrot Dosa
• മീൻ കറി സ്പെഷ്യലാക്കാം, ഈ ചേരുവകൾ കൂടി ചേർത്തോളൂ: Kerala Style Tomato Fish Curry Recipe
• ചോറ് ബാക്കി വന്നാൽ ഇങ്ങനെ ചെയ്തു നോക്കൂ: Shrimp Fried Rice Recipe Kerala Style